வரி செலுத்தாத கட்டடங்களுக்கு மாநகராட்சி கிடிக்கிப்பிடி!!

சென்னை மாநகராட்சியின் வருவாயை அதிகரிக்கும் வகையில், சொத்து வரி வசூலிப்பில் மாநகராட்சி அதிரடி நடவடிக்கை மேற்கொள்ள உள்ளது. அதன்படி, பல ஆண்டு காலமாக வரி செலுத்தாத குடியிருப்பு, வணிக கட்டடங்களைக் கணக்கெடுத்து, ‘சீல்’ வைக்க, மாநகராட்சி முடிவு செய்துள்ளது.

சென்னை மாநகராட்சியில், நிதியாண்டுக்கு 1,000 கோடி ரூபாய்க்கு மேல் சொத்து வரி வசூலிக்கப்பட்டது. 1998ம் ஆண்டுக்குப் பின், சென்னை உயர் நீதிமன்ற உத்தரவுப்படி, 2018ல் மாநகராட்சி சொத்து வரி உயர்த்தப்பட்டது.அதன்படி, குடியிருப்பு கட்டடங்களுக்கு 50 சதவீதமும், வணிக பயன்பாட்டு கட்டடங்களுக்கு 100 சதவீதமும் உயர்த்தப்பட்டது.

பல்வேறு இடங்களில், உயர்த்தப்பட்ட வரி பல மடங்கு இருப்பதாகக் கூறி, சொத்து உரிமையாளர்கள் மாநகராட்சியில் மேல்முறையீடு செய்தனர். ஒரே பகுதியில், ஒரே அளவிலுள்ள குடியிருப்புக்கு மாறுபட்ட சொத்து வரி உள்ளிட்டவை விதிக்கப்பட்டதால், பல்வேறு தரப்பில் இருந்தும் எதிர்ப்பு கிளம்பியது.

எனவே, உயர்த்தப்பட்ட சொத்து வரியை, ஒன்றரை ஆண்டுகளில் தமிழக அரசு திரும்பப் பெற்றது. மேலும், சொத்து உரிமையாளர்கள் பழைய வரியை செலுத்தும்படி அறிவுறுத்தப்பட்டது. உயர்த்தி செலுத்தப்பட்ட சொத்து வரி, அடுத்தடுத்த ஆண்டுகளில் வரவு வைக்கப்படும் என தெரிவிக்கப்பட்டது.

தமிழ்மலர் மின்னிதழ் செய்தி விக்னேஷ்வரன் இலங்கை.