భారతీయ జనతా పార్టీ పార్లమెంట్ సభ్యులందరం కేంద్ర మానవ వనరుల అభివృద్ధి శాఖ మంత్రి ధర్మేంద్ర ప్రధాన్ గారిని కలిసినం.

Delh: 1969 లో 369 మంది ముద్దుబిడ్డలు తెలంగాణ కోసం పోరాటం చేస్తే… ఆనాటి ప్రభుత్వం తెలంగాణ ఇవ్వలేదు కానీ అనేక గ్యారంటీలలో భాగంగా హైదరాబాదులో సెంట్రల్ యూనివర్సిటీ ఇవ్వడం జరిగింది.

దాదాపు 2300 నుంచి 2500 ఎకరాల వరకు ఆనాడు నగరానికి దూర ప్రాంతంలో దీన్ని ఇస్తే…. ఇవాళ గొప్ప విశ్వవిద్యాలయంగా వర్ధిల్లుతా ఉంది.

భూములు అమ్ముకొని ఢిల్లీకి కప్పం కట్టే నీచమైన ప్రయత్నం రేవంత్ రెడ్డి సర్కార్ చేస్తుంది, దీనిని తెలంగాణ ప్రజలందరూ గమనిస్తున్నారు.

ఇది యూనివర్సిటీకి సంబంధించిన భూమి, పర్యావరణం దెబ్బతినే ఆస్కారం ఉంది, 700 రకాల పైచిలుకు జీవులు జీవనాన్ని కొనసాగిస్తున్నాయి… మెడికల్ ప్లాంట్స్ ఉన్నాయి, ఎకలాజికల్ ఇంబ్యాలన్స్ అయ్యే ఆస్కారం ఉందని వాదిస్తే సుప్రీంకోర్టు ఈ భూమిని ఎవరికి దానదత్తం చేయవద్దని తీర్పుని ఇవ్వడం జరిగింది.

రేవంత్ రెడ్డి సర్కార్ 400 ఎకరాలలో అక్కడున్న జింకలను, నెమలను చంపి, మెడిసిన్ ప్లాంట్స్ పీకేసి కాంక్రీట్ జంగల్ లాగా చేసే ప్రయత్నం చేస్తున్నాడు.

హైదరాబాద్ విశ్వవిద్యాలయంకి ఉన్న గొప్పతనాన్ని, వేల మందికి జ్ఞానం అందించే విశ్వవిద్యాలయంగా ఎదగకూడదని, ప్రపంచ స్థాయి విశ్వవిద్యాలయంగా గుర్తింపు వచ్చే ఆస్కారం ఉండకూడదు అనే ప్రయత్నం ఏదైతో చేస్తున్నారో దీన్ని భారతీయ జనతా పార్టీ తీవ్రంగా అడ్డుకుంటుంది.

ఇవాళ ధర్మేంద్ర ప్రధాన్ గారిని మాత్రమే కలిశాం రేపు తప్పకుండా పర్యావరణ మంత్రిత్వ శాఖను కూడా కలుస్తాం దీనిమీద నివేదిక ఇచ్చే ప్రయత్నం చేస్తాం.

రేవంత్ రెడ్డి ప్రజలకు ఇచ్చిన ఆరు గ్యారెంటీల కోసం భూములు అమ్మట్లేదు. 400 ఎకరాల భూమి విలువ 40 వేల కోట్లు రూపాయలు. ఆ భూములు అమ్మి కప్పం కట్టి తెలంగాణ ప్రజల కళ్ళల్లో మట్టి కొడతా అంటే చూస్తూ ఊరుకోవడానికి సిద్ధంగా లేము అని చెప్పి హెచ్చరిస్తున్నాను.

మా ఎమ్మెల్యేలు ఆ ప్రాంతాన్ని సందర్శిస్తామని పోతాఉంటే హౌస్ అరెస్ట్ చేశారు.

అక్కడున్న విద్యార్థులంతా కూడా ఉద్యమాలు చేస్తుంటే గోడ్డును కొట్టినట్టు కొట్టడమే కాకుండా మహిళా విద్యార్థులని చూడకుండా వెంట్రుకలు పట్టుకొని ఈడ్చుకు తీసుకు వెళ్లే పరిస్థితి ఏర్పడింది. ఆ విద్యార్థులను అరెస్ట్ చేస్తున్నారు, పోలీస్ స్టేషన్ లో పెడుతున్నారు, కేసులు పెట్టి జైలుకు పంపుతున్నారు. నీ కేసులు, అరెస్టులు విద్యార్థుల యొక్క శక్తిని ఆపలేవు. వాళ్లకు తోడుగా అండగా భారతీయ జనతా పార్టీ ఉంది.

ఎట్టి పరిస్థితుల్లో HCU భూములు అమ్మనివ్వమని, అవి ఆపడానికి ముఖ్యమంత్రికి, తెలంగాణ రాష్ట్ర ప్రభుత్వానికి ఉత్తరం రాస్తానని కేంద్ర మంత్రివర్యులు ధర్మేంద్ర ప్రధాన్ గారు తెలిపారు.

దీనికోసం తెలంగాణ పార్లమెంట్ సభ్యులుగా పార్లమెంట్లో కూడా ప్రస్తావిస్తాం.

మా విద్యార్థులను హింసిస్తున్న కేసు పెడుతున్న దానిని మేము పూర్తిస్థాయిలో ఖండిస్తూ ఉన్నాం.

మీ పోలీసులు, బుల్డోజర్లు తక్షణమే అక్కడి నుంచి వెళ్లిపోవాలని డిమాండ్ చేస్తున్నాను.

Q: సుప్రీంకోర్టు ఆ 400 ఎకరాల భూమి ప్రభుత్వాని దాని చెప్పిందా లేక యూనివర్సిటీ అని చెప్పిందా…?

ఈ భూమి 2004లో వేరే కంపెనీకి డాక్యుమెంట్ చేసిన నాడు కూడా వ్యతిరేకత వచ్చింది. 2006 లో రద్దు చేసుకున్నది. 400 ఎకరాల భూమిని ఐఎంజీ కోసం ఇచ్చాయో దాన్ని ఆనాటి ప్రభుత్వమే 2006లో రద్దు చేసుకున్నది. 20 ఏళ్ల సుదీర్ఘ న్యాయపోరాటంలో ఈ భూమి సెంట్రల్ యూనివర్సిటీది మాత్రమే అని చెప్పి, పర్యావరణం దెబ్బతింటుందని అమ్ముకోవడమే కాదని, విశ్వవిద్యాలయ భూములు కాపాడుకోవాలని మాత్రమే తీర్పు వచ్చింది కాబట్టి రేవంత్ రెడ్డి కొంచెం మెదడుతో పనిచేయాలని కోరుతున్నాను.

అబద్ధపు పునాదుల మీద బతికేటోడు రేవంత్ రెడ్డి. ఆయనకు ఎప్పుడూ నిజం చెప్పే అలవాటు లేదు.

Q: రేవంత్ రెడ్డి ప్రభుత్వం మా దగ్గర డాక్యుమెంట్స్ ఉన్నాయని చెబుతుంది కదా…?

వాళ్లకు ఇంత వ్యతిరేకత వస్తుందని, ఉద్యమాలు జరుగుతాయని ఊహించలేదు. వాటి నుంచి తప్పించుకోవడానికి పిచ్చి మాటలు తప్పుడు రిపోర్టులు ఇస్తున్నారు తప్ప అది ముమ్మాటికీ హైదరాబాద్ సెంట్రల్ యూనివర్సిటీ భూమి మాత్రమే.