என்ன தான் நாணமிது செய்கின்ற தொல்லை !
என்ன தான்
நாணமிது
செய்கின்ற
தொல்லை !
பாவம் வாளாவிருந்தாள்
பதட்டமாய் இருக்கிறாள் !
யுவதியின் அவதிகள்
யுத்தகளமாய் !
நிலை கொள்ளா
நிமிடங்கள் !
பகலவன் காயும் நிலா !
எண்ணங்கள்
ஏணிப்படிகளாய் !
ஏன் இப்படி ?
அவளுள் தெளிந்த விடை இருந்தும்
இயல்பு நிலைக்கு தடா !
நாணத்தால் நினைவுகளில்
ஸ்திரத் தன்மையின்றி
தன் ஸ்பரிசத்தை தானே அணைத்துக் கொள்கிறாள் !
எண்ணங்களின்
சீற்றம் சிறிதும் குறையவில்லை !
என்ன தான் நாணமிது செய்கின்ற தொல்லை !
காததோரம் என்
காதலைச் சொன்னேன் !
தொகுப்பு ஹயாத்
தமிழ்மலர் மின்னிதழ்
