உலகப் பாவை தொடர்-4

    4. உண்மை உணர்வார் 
        உயர்வார் 

தன்னைத்தாம் உணர வல்லார்
தவறிழைக்க மாட்டார்;வாழும் மண்ணைத்தாம் உணர
வல்லார்
மக்களுடன் ஒன்றி வாழ்வார்;

விண்ணைத்தாம் உணர
வல்லார்
விந்தைமிகு உண்மை
காண்பார்;
அண்டங்கள் உணர வல்லார்
அருட்பிழம்பாய் உயர்ந்து நிற்பார்;

உண்மையிதை
உணர வல்லார்
ஒருபோதும் சாவ தில்லை; எண்ணத்தை ஏணி யாக்கி ஏறுவதால் இல்லை தொல்லை

என்பதனை மக்கட் கெல்லாம் எளிதாக உணர்த்தி, அன்னார் என்றென்றும் உயரத் தொண்டு
ஏற்றுலவாய் உலக பாவாய்!

• பேராசிரியர் முனைவர்
  கு. மோகனராசு
  நிறுவனர்
  உலகத் திருக்குறள் மையம்